قصه الحب الصامت والصامد

تخيل اخرة الحب والجنون فيه وصل الحبيبه فين
اقراو القصة وانتو تعرفو
القصة واقعيه
كانت الفتاه في الثانيه عشر من عمرها عندما ظهر الحبيب في حياتها كانت في الصف الاول الاعدادي وكان يذهب امام المدرسه عشان يكلمها وهو جارها للعلم ولكن كانت خايفة لو كلمته اهلها يعرفو وفي مرة وهي ماشيه هي وصديقتها خارجين من المدرسه القي بالورقة تحت رجلها واخدتها صديقتها يعني كانو متفقين مع بعض هو وصحبتها وقرات الورقه ومكتوب فيها كلام جميل طبعا فرحت ومبسوطة لان اول مرة حد يقولها الكلام دة وفضلو يحبو بعض عن طريق الجوابات وبعدين تليفونات لحد ماخلصت الاعداديه ومكنتش تقدر تقابله لان المدرسه قريبه من البيت وغير المدرسه مبتخرجش لوحدها وخلصت الاجازة ودخلت مدرسه ثانوي بعيدة عن البيت من هنا بداو يتقابلو مرة في مرة بئي يوديها المدرسه ويجيبها طبعا في المواصلات في فترة الاجازة اختها عرفت انها بتكلمو وقالت لباباها ومامتها وطبعا اتضربت واتمنعت من النزول لحد ما نسيو واتاسفت ووعدتهم مش هتكلمو تاني وهما رافضين لان مستواة المادي مش كويس وهما مستواهم احسن بكتير وفي يوم وهي كانت لسه في سنه اولي ثانوي وفي الترم الاول من الدراسه وكالعادة راحلها عند المدرسه ومروحين وبيتمشو حته قبل البيت عشان بتركب مواصله تاني قابلها اخوها الكبير بعربيته راجع من الشغل وشافها طبعا هي واقفه مش قادرة تتحرك قالتله امشي انت يافلان مكنش راضي قالها هقوله اني كنت بوصلك عادي هي رفضت ومشته وركن اخوها العربيه ونزل وركبها العربيه ومشيو ساكتين ولا هو ولا هي اتكلمت روحو وهو متجوز وشقته في نفس العمارة هي بتاعتهم وباباها عامل لكل واحد شقة المهم طلع ودخل شقتة وهي طلعت شقتهم وفي الوقت دة كان باباها ومامتها مسافرين وهي واخواتها البنات بس اللي قاعدين في الشقة طبعا هي مبتعملش حاجة غير انها بتعيط حكت لاخواتها البنات وغلطوها وبعدين طلع بقي اخوها وطبعا قالها كلام كتير يوجع ومنعها من المدرسه ورجع اهلها من السفر وقالو ليهم ان هي اتفصلت عشان الغياب ومينفعش تدخل غير السنة اللي جايه باباها مش بيشجع التعليم فكان بالنسبة ليه عادي وقعدت حوالي شهرين ولا بتكلم حبيبها ولا هو قادر يكلمها وجت ليها فرصه تكلمه وفعلا كلمته وعيطت وقالتله غصب عني وهو انا كنت خايف قوي عليكي وكلام من دة وعرفو تاني ان هي كلمته وساعتها قالو لوالدته لان والدة متوفي واهلها كلهم خاصموها وغلطوها واتمنعت فعلا من المدرسه لكن بتخرج عادي دلوقتي مع اخواتها وتروح تجيب حاجات وبتشوفة ولكن مش قادرة تكلمة تاني وهي دي كانت نهايه حبهم اللي عايش جواهم دلوقتي ولسه بيحبو بعض ولكن بدون كلام او مقابلات او اي حاجة بيشوفو بعض صدفة ومش قادرين يتكلمو وليهم ست سنين بيحبو بعض ومستنياه يتقدم لها مع انها عارفة ان عمر اهلها ما هيوافقو عليه وهو مرضيش يخش الامتحانات عشانها ووالدته كلمتها وقالتلها وكلمته واقنعته انه يكمل تعليمه عشان يشتغل ويمكن يوافقو عليه وهو دلوقتي في كليه هندسه وبتعرف اخبار عن طريق والدته لانها بتروح عندهم لانهم جيران ومع ذلك اهل البنت بيحبو والدته جدا وعلي طول معاها وهي عارفة القصة دي كلها وهي المرسال بينهم انا حكيت ليكم القصة بالتفصيل عشان تدعو ليهم انهم يكونو من نصيب بعض ولانهم بيحبو بعض

علي فكرة انا عارفة تفاصيل القصة كلها لان البنت دي صديقتي واكتر من اخت ليا ومبتخبيش عليا حاجة وانا بحاول اساعدهم لان نفسي بجد يكونو لبعض
انا اسف طولت عليكو لكني اندمجت في الكتابه وارجو الرد علي الموضوع وعايزة اعرف رايكم في البنت والولد واهل البنت